ဖရန့်စစ် ဘေကွန်

ဖရန့်စစ် ဘေကွန်(Francis Bacon) သည် အိုင်ယာလန်နိုင်ငံ ဒတ်ဘလင်မြို့၌ မိဘ အင်္ဂလိပ်လူမျိုးများမှ မွေးဖွားလာသော အင်္ဂလိပ်လူမျိုး ပန်ချီဆရာ တစ်ယောက်ဖြစ်သည်။ သူ့အား အောက်တိုဘာလ ၂၈-ရက် ၁၉၀၉-ခုနှစ်တွင် မွေးဖွားခဲ့သည်။ သူ၏ဖခင် အက်ဒီ ဘေကွန်(Eddy Bacon) သည် ဘိုး(အ်) စစ်ပွဲ(Boer War) မှ စစ်ပြန်တစ်ယောက်ဖြစ်ကာ ပြိုင်မြင်းများကို ထိန်းသိမ်းလေ့ကျင့်ပေးသည့် အလုပ်ကို လုပ်ခဲ့သည်။ သူ၏ မိခင် ဝင်းနီ(Winnie) သည် စတီးလ်လုပ်ငန်း၊ ကျောက်မီးသွေးတွင်းလုပ်ငန်းများမှ အမွေစား အမွေခံတစ်ယောက်လည်းဖြစ်လေကာ သူ၏မိခင်အား အပေါင်းအသင်း အဖော်မင်သော၊ အိမ်မှုကိစ္စများ ပြုပြင် ထိမ်းသိမ်းမှုမရှိသူအဖြစ် သတ်မှတ်ထားခဲ့ကြသည်။ ဖရန့်စစ် ငယ်စဉ်က မိသားစု သူနာပြုဆရာမဖြင့် ကြီးပြင်လာခဲ့ရသည်။ သူ့သည် ပန်နာရင်ကျပ် ရောဂါသည်တစ်ယောက် ဖြစ်ကာ ခွေးနှင့်မြင်းများကို ထိတွေ့ကိုင်တွယ်လို့ မရသော အလွန်ပြင်းထန်သော ရောဂါလည်းရှိပြန်သည်။ ထိုစဉ်က သူ့၏ မိသားစုသည် အိုင်ယာလန်နိုင်ငံနှင့် အင်္ဂလန်နိုင်ငံ နှစ်နိုင်ငံအကြား အသွားအပြန် မကြာခဏ ဆိုသလို့ အိမ်ပြောင်းရွှေ့နေထိုင်ကြရသဖြင့် အခြေအနေပျက်သော အနုပညာခံစားချက်သည် သူ၏ ဘဝတလျှောက်လုံးတွင် စွဲမြဲသွားခဲ့ရလေသည်။

Painting	Head VI	Study for Crouching Nude

Lying Figure with Hypodermic Syringe	Man with Dog	Portrait of Michel Leris

Study after Velazquez's Portrait of Pope Innocent X	Oedipus and the Sphinx (after Ingres)

Self-Portrait

လန်ဒန်သို့ ၁၉၂၅-ခုနှစ်တွင် ပြောင်းရွှေ့လာခဲ့ပြီး အိမ်တွင်း ဒီဇိုင်းရေးဆွဲသူ အဖြစ်စတင်လုပ်ကိုင်ခဲ့သည်။ ဘေကွန်သည် ငယ်စဉ်က အနုပညာကို စနစ်တကျဖြင့် ကျောင်းများ၊ သင်တန်းများတက်ကာ သင်ယူလာခဲ့သူတစ်ယောက် မဟုတ်သော်လည်း ၁၉၄၅-ခုနှစ် လန်ဒန်မြို့ Lefevre အနုပညာ ပြခန်းတွင် ပြသခဲ့သော သူ၏ "Three Studies for Figures at the Base of a Crucifixion" ပန်းချီကားသည် လူအပေါင်းကို ကိုင်လှုပ်ကာ အုတ်အော်သောင်းတင်းဖြစ်သွားစေခဲ့သည်။ သူ၏ လက်ရာများသည် Expressionist ပုံစံများ ဖြစ်ကာ၊သူ၏ တွန့်လိမ်ရွဲ့စောင်းနေသော လူသားတစ်ယောက် အသွင်သဏ္ဍာန် ပန်ချီကားသည် ပုံမှန်အနေအထားမှာ အခြေပျက်စေအောင် ဖန်တီးထားသည်။ နိုင်ငံတကာမှ သူ၏ ပန်ချီလက်ရာများကို အသိအမှတ်ပြု ဂရုပြုမိလာသည့် ၁၉၅၀-ခုနှစ်လောက် အတောအတွင်းတွင် သူ၏ ကိုယ်ပိုင် ပန်ချီဆွဲနည်း ဆွဲဟန် ကို တီထွင်၍ မှုန်မှိုင်းနေတတ်သော အကြောင်းအရာ ပုံစံများဖန်တီးခဲ့သည်။ သူ၏ မသတီစရာ ကောင်းလှသော ပျက်ဆီးယိုယွင်းကာ ရွံရှာဖွယ်အတိရှိသော လူသားပုံသဏ္ဍာန်ရုပ်ပုံ များအပြင်၊ ခရစ်တော်၏ ဂုဏ်အင်္ဂါများကို ဖေါ်ကျုးလေ့ရှိသည့် ထိုခေတ်မှ အနုပညာရှင်များ လိုက်နာကြသော ထုံးတမ်းအစဉ်အလာနည်းပညာများကို သူ၏ ပြန်လည်ဆန်းသစ်ထားသော သုံးခုပေါင်းစပ်ထားသည့် ပုံသဏ္ဍာန်အရွယ်အစား ပန်ချီနည်းပညာသုံးကာ အနှိဋ္ဌာရုံလူသားပုံရိပ်များ ဖန်တီးခြင်းဖြင့် ကမောက်အမဖြစ်အောင် အသေအချာဖန်တီးခဲ့လေသည်။

Three Studies for Figures at the Base of a Crucifixion (1) (2) (3)

Second Version of Triptych 1944 (1) (2) (3)

Triptych May - June

Three Studies of figures on Beds

ဘေကွန်သည် အေပရယ်လ ၂၈-ရက် ၁၉၉၂-ခုနှစ် စပိန်နိုင်ငံ မဒရစ်မြို့တွင် နှလုံးရောဂါဖြင့် ကွယ်လွန်ခဲ့သည်။

အနန္တမေတ္တာဖြင့်
ဘကောင်း