မင်္ဂလာပါ

ညက အိပ်လို့ မပျော်တဲ့ ည။ ဘယ်လိုဖြစ်ပြီး အိပ်လို့ မရတော့လည်း မသိဘူး။ အတွေးစဉ် ကွင်းဆက်တွေက မပြတ်တော့။ နောက်ပြီး ကိုယ့် အကျင့် က တစ်ခုခု လုပ်တော့မယ်ဆိုရင် လုပ်မယ့် အရာကို ညအိပ်တဲ့အချိန်မှ အဖန်တလဲလဲ သမ္မာပတ်ဝင်စားပြီး ဆုံးဖြတ်ချက်ချမယ့် ညဏ်စဉ်ကို တစ်ညပြီး တစ်ညထူထောင်တာ။(စာကလည်း ဒီလိုရေးမှ အတိအကျ မှန်မယ်။) ဒါက ကိုယ့် အကြောင်း တစ်စိတ်တစ်ဒေသပါ။ ဒီညတော့ စာလည်း နည်းနည်း ရေးအုံးမယ်။ဇနီးက ဘလော့ရေးရင် လူတိုင်းဖတ်လို့ရအောင် အင်္ဂလိပ် ပဲ ရေးခိုင်းတော့ သူ့ စိတ်တိုင်ကျ လည်း ရေးပေးနေရတယ်။ စာရေးမယ် စိတ်ကူးတာနဲ့ ကွန်ပျူတာရှေ့ထိုင်၊ ညနေ အလုပ်မပြန်ခင်တုန်းက ဆီဗုံး နဲ့ ကွန့်မင့်ထဲမှာ မိတ်ဆွေ အချို့က နူတ်ဆက်ထားတဲ့ စာလေးတွေ သတိထားမိတော့ လေးလေးစားစားနဲ့ ပြန်ရေးအုံးမှ အသိကဝင်လာတာ။ နဂိုက ဆီဗုံးတွေ၊ ကွန်မင့်တွေကို ပြန်ပြီး စာရေးလေ့မရှိ၊ ဒါပေမယ့် ဒီလူကြီးတွေက လာလာနူတ်ဆက်တော့ ကိုယ့်မှာ အပြစ်ရှိလာသလိုပဲ။

အမြဲသွားလည်ဖြစ်တဲ့ ဘလော့မိတ်ဆွေတွေကလည်း များများစားစားမရှိ။ ကိုစိုးထက်၊ ကိုသင်ကာ၊ မမေငြိမ်း၊ ကို(Better Tomorrow) ဒါလောက်ပါပဲ။ ကိုစိုးထက်ကတော့ အပေါင်းအသင်း မိတ်ဆွေပေါ။ ခင်တတ်မင်တတ်ပုံလည်းရတော့ ဒီလူကြီး ဘာတွေ လုပ်နေလဲပေါ့။ သူ့ နာမည်ကို ကလစ်လိုက်ရင် သူဆီ အလွယ်တကူရောက်သွားတာပဲ။ နောက် မမေငြိမ်း ရဲ့ ဘလော့ကို သွားချင်ရင် သူ့ဆီမှာ လင့်ကရှိတာ။ ကိုသင်ကာက အနုပညာနယ်ဖက်မှာ တော်တော်ကြိုးစားနေတဲ့ လူတစ်ယောက်။ နောက် သူ့ရဲ့ လစဉ် စုစည်းပေးတဲ့ စာကောင်းပေကောင်း ဘလော့လစ်တွေက ကျွန်တော့်လို အိမ်ထဲကုတ်နေတဲ့ လူအတွက် အကျိုးကျေးဇူးရှိတယ်။ Manual Semantic Web (Web 3.0) ကနဦးပေါ့။

မမေငြိမ်းက စာရေးရင် ဂရုတစိုက်ရေးလို့ သွားဖတ်ဖြစ်တာ။ ကိုယ်စာရေးရင်တော့ ခေါင်းစဉ်ဆို ပေးချင်ရာ အလွယ်တကူ ပေးလိုက်တာ။ မှတ်မှတ် ရရ ဟိုတလောက ရေးတဲ့ ပို့တစ်ခုဆို ရေသန့်ဘူး ဆိုပြီး အလွယ်တကူ ပေးပြီး၊ နောက် ကိုယ်ဘာသာ ကိုယ် မကြိုက်နေဘူး။ ကိုသင်ကာနဲ့ မမေငြိမ်းဆီမှာ ကိုယ်နဲ့ စိတ်အစာတွေ့ မယ့် အရာတွေက ရှိတတ်တယ်။ ကို(Better Tomorrow) ကတော့ လေးစားမိလို့၊ နောက် ကိုယ့် မြန်မာလူမျိုးတွေ အခြေအနေကို သူ့ ရီပို့တွေမှာ တစေ့တစောင်း အကဲဖြတ် သုံးသပ်လို့ရတယ်။ ဒီလူကြီးတွေရဲ့ စာတွေ ကောင်းတယ်လို့ မပြောတော့ပါဘူး။ ကောင်းခြင်း၊ ဆိုးခြင်း ဝေဖန်တာ တုန်လှုပ်မဲ့ လူတွေ မဟုတ်လို့ပဲ။

ပု၈္ဂိုလ်ရေး အမြဲရှောင်ပေမယ့် ဒီတခါတော့ နာမည်တွေတတ်ပြီး ရေးလိုက်တော့ ခွင့်လွတ်ကြပါ။

မြန်မာဘလော့တွေမှာ ချစ်စရာကောင်းတာ တစ်ခုရှိတယ်။ လာလည်ကြတယ်။ နူတ်ဆက်ကြတယ်။ အားပေးကြတယ်။ တစ်ခါတစ်ရံ ရန်ဖြစ်ကြတယ်။ ဒါတစ်ချို့ လူချင်း မသိဘူးနော်။ ဘလော့ ရေးတဲ့ လူတွေရဲ့ စာပေအရေးအသား အကြောင်းအရာ တွေနဲ့ လောက်ပဲ ခင်ကြ၊ မင်ကြတာ။

ကျွန်တော် မောင်ဘကောင်း ဆီ လာလည် သူများအား ကျေးဇူးတင်ပါ၏