အမေ့သည်းညှာ သည်ချစ်သားလည်း
ငယ်သွေးလည်းပျောက် လူလုံးမြောက်ခဲ့ပါပြီ။
တစ်မိတစ်ယောက် ထွန်းပြောင်မြောက်ဖို့
မေ့ချစ်သားလည်း
ရိုးကုတ်အားထုတ် ကြိုးစားခဲ့ပါသေးသည်။
အမေ့မေတ္တာ သားရင်တွင်းမှာ
စွမ်းရည်သတ္တိ ခွန်အားအဖြစ်
ဖြစ်တည်လန်းဆန်း တည်တံနေပါသည်။
သားလျှောက်လှမ်းရာ သည်ပန်းတိုင်ဆီ
လှမ်းရာခရီးဝယ်
ပုလဲဥသွယ် မေ့မျက်ရည်လမ်း
နင်းလျှောက်ခဲ့ရ ပါသေးသည်။
မေတ္တာရင်လှိုင်း မေ့ရှိုက်သံလည်း
ရင်မှာမချိ သောကအတိ
ကြိမ်ဖန်များစွား ကြားခဲ့ရသေးသည်။
သားလျှောက်လှမ်းရာ သည်ခရီးက
အမေ့ဆီလား ဝေးရာလားလို့
ကြိမ်ဖန်များစွာ စဉ်းစားမိလည်း
သားချစ်မောင်ကား
ပို၍ပို၍ ဝေးရာဆီမှာ
အမေ့ရှိုက်သံ လွမ်းဆွေးမှုမှာ
မျှော်ရမ်းမှန်းဆ တမ်းတတနှင့်
နှစ်လရာသီ ပြောင်းခဲ့ပါပြီ။
အနန္တမေတ္တာဖြင့်
ဘကောင်း
(ဒီဇင်ဘာလ၊၂၀၀၀)
No comments:
Post a Comment